STAY TUNE!

我們目前正在建立網站,並即將推出。 與此同時,您可以通過我們的Facebook專頁關注我們 http://www.facebook.com/FinKAB。 We are currently developing the site and will be launch soon. For now, you can follow our Facebook at http://www.facebook.com/FinKAB

Continue Reading

【學校都唔會教】主動與被動之間(四):生涯規劃

嚟到第四篇啦,可能你會問其實真係需要咁早同小朋友講關於主動、被動收入咩?要小朋友知道賺取收入的方法不只一種,並唔係話打工、買樓就係唯一嘅出路,而係要為小朋友提供佢哋應有嘅理財教育同埋知識,等佢哋知道原來除咗打工賺錢之外,亦都可以考慮被動收入,等小朋友有比較全面嘅認識。佢日後嘅選擇喺掌握喺佢雙手,作為家長嘅責任就係要將佢應該知道嘅知識、教育提供俾佢,起碼佢知道有得揀,打工賺錢只不過係其中一種中庸嘅賺錢方法。 人生在世,終極目標唔係淨係為咗打工賺大錢,同埋上車買樓做業主。要俾小朋友知道,佢嘅興趣嗜好都有機會變成生財工具;亦可以借機會向佢哋解釋點解爸爸媽媽成日早出晚歸,每日返到屋企先得果個零兩個鐘見面同埋親子時間,原因就係因為打工屬主動收入,非常困身兼無自由,希望小朋友明白。 咁你又有冇同你嘅小朋友傾吓生涯規劃呢? Active vs Passive Income (IV): Life Planning You might wonder whether it’s necessary to bring up the topic of active versus passive income to kids. Education is always about providing a balanced view to your kids. Getting a job is only one of the many ways to earn a living. It should […]

Continue Reading

【學校都唔會教】主動與被動之間(三)

上回講到主動同埋被動收入啲分別係工作自由度,今次會講另一個分別,就係稅項。 首先你可以同小朋友解釋乜嘢係稅項,政府為社會上不同階層嘅人提供服務,例如修橋築路、建學校醫院、公共治安、安全衛生設施、社會福利等,所需要嘅經費很大部分都係嚟自稅收,而市民就需要為打工嘅薪金交薪俸稅,公司賺到錢就要俾利得稅,買賣股票房屋就要俾印花稅等等。 稅項就係每一個人對於社會嘅義務,不能逃避。透過主動式收入所需繳交嘅稅率,往往比被動式收入所交嘅稅率為高。以公司為例,好多營運業務嘅經費都可用作豁免稅項,因為公司聘請員工提供就業機會,對政府而言喺一種社會責任,所以市民有咗工作,對於政府提供嘅福利需求就會相對較少,幫手減輕政府嘅財政負擔。有良好嘅稅務知識同安排,就可以善用被動式收入所帶嚟嘅好處。 利益申報,FinKAB並非提供任何投資、稅務建議,讀者應該自行搵相關專業人士提供獨立建議。 (Continuing..) Let’s talk about another difference between active and passive income, i.e. tax efficiency. First, you might have to explain to kids what taxes are. Tax is the main source of government income to provide services to the society, e.g. building roads, building schools & hospitals, public safety, and health facilities, […]

Continue Reading

【學校都唔會教】主動與被動之間(二)

續上篇,主動收入同埋被動收入兩者各有千秋,分別主要喺工作上嘅自由度。打工賺取主動收入,必須按公司的規定上班工作,例如要在指定的時間回到辦公室上班、按照上司嘅要求完成工作,有時更要加班去完成工作,因為驚俾公司炒魷魚,會突然失去收入來源。可以向小朋友解釋點解爸爸媽媽成日都咁夜返,陪伴小朋友嘅時間好短,返工喺以時間、自由去換取薪金,借機會希望小朋友明白賺錢的辛苦,要珍惜佢哋擁有嘅一切。相反,被動收入喺靠投資分析及生意知識,借用別人的時間同金錢去換取財富及自由,因為即使喺你瞓覺嘅時候,被動收入都會幫你賺錢。 當然有辣有唔辣啦,想產生被動式收入,特別係創業,就要花好多時間、精神同埋要冒着唔少失敗的風險。而靠打工嘅呢,好處係公司會提供有薪假期及各項福利,較全面咁保護你同埋你嘅屋企人。喺下一篇會再講多啲關於兩種收入方式嘅利弊。 (Continuing…) The key difference between active and passive income basically lies with freedom at work. Active income requires getting your job done according to company’s request, e.g. go to work during fixed hours, complete the work within a predefined timeline and sometimes even have to work over-time to get it done to ensure […]

Continue Reading

【學校都唔會教】主動與被動之間(一)

唔知你嘅小朋友知唔知咩叫做主動收入同埋被動收入呢? 對小朋友嚟講主動收入比較簡單同易明,即係靠著幫公司老闆工作、投入自己嘅時間(自由),去換取固定或按指定方法(如佣金)嘅薪金。呢一種方法最多人選擇,可能大部分家庭都係以主動收入為主。而被動收入喺靠投資物賺取固定收入、做生意賺取現金流,財富唔再限於靠工作時間、精神努力賺取,因為投資物會喺你休息睡覺嘅時候為你工作,而你亦可以通過聘請員工幫你處理生意業務,咁作為老闆嘅就可以有更多時間拓展業務發展同埋尋找更多投資機會。咁兩者之間仲有啲咩嘢唔同就要繼續留意下一篇嘞。 Do your kids know what active and passive incomes are? Active income is more straight forward. It refers to the income generated by getting a job which requires assigned work to be done at the expense of time (freedom). Passive income is generated via investment products e.g. business, properties, even when you are […]

Continue Reading

吓?我啲錢喺哂阿媽度呀!

之前喺記帳個篇都有同大家分享過有啲小朋友會將所有零用錢畀晒阿媽保管,而自己就唔知道自己有幾多錢嘅。當小朋友見唔到、睇唔到、觸摸唔到啲錢,就唔會對自己嘅財富有概念,所以記帳時用紙筆將每一項收支項目寫低,印象會更加深刻,對錢嘅意識亦都會比較強。即使小朋友有自己嘅銀行戶口,但因為而家嘅銀行存款利率實在太低,所以複利息嘅效果並唔係咁顯著,咁樣對小朋友儲蓄嘅意欲大大減少。家長可以考慮吓幫小朋友開嗰月供股票、指數基金或互惠基金嘅戶口,定期定額進行投資,加強財富增值嘅效果。 而且因為小朋友仲細,承受投資風險嘅能力反而越強,當然更重要嘅係要定期俾小朋友睇番自己投資戶口嘅表現,同佢一齊分享儲蓄、投資所帶來嘅成果。 If kids simply pass their pocket money to parents without literally touching & counting money, they might not have a strong sense of ownership of their assets. Even if they have their individual bank accounts, compounding effect would not be significant to motivate kids’ to save. Parents might consider setting up monthly equity […]

Continue Reading

敎理財不只是講錢,而係講⋯⋯選擇:一

小孩懂什麼? 好多家長會覺得自己小朋友太細,又沒有俾零用錢個小朋友,所以都係遲啲先同小朋友講關於金錢、理財的課題。但係其實小朋友細至三歲嘅時候,佢已經無時無刻接觸到錢同埋生活用品有關嘅理財課題,家長應該把握每一個機會,向小朋友講解作出購物選擇的原因,從細就去學識選擇,栽培佢成為一個精明嘅消費者。 例如每次去超級市場買零食嘅時候,可以用提問嘅方式去問小朋友點解佢會揀一包薯片,先了解佢作出選擇嘅原因,然後再從旁提供引導,叫佢去比較佢所挑選嘅牌子,同埋其他牌子係售價、質量丶食物營養標籤、食物產地、食物最佳保鮮日期等,有喲咩分別。 理財教育往往係要從多角度去思考問題,作出宏觀嘅考量,而唔係單單係叫小朋友去選擇價錢最平,慳最多錢,先為之最好,反而要小朋友明白價錢同埋價值嘅分別,呢個先至係理財教育重中之重嘅目標。

Continue Reading

敎理財不只是講錢,而係講⋯⋯選擇:二

還我選擇權! 教授小朋友理財時另一個謬誤,就係不自覺地幫咗小朋友作出選擇,即係已經幫佢舖好晒路。小朋友係學校嘅學習環境,其實已經唔係有好多可以選擇、話事嘅機會,而且喺考試制度的框架下,喺小朋友心目中好多問題和事情都會有絕對的對與錯。但係現實嘅生活中,特別係理財方面嘅問題,好多選擇其實根本沒有對與錯,反而家長應該俾多啲機會小朋友係一啲生活細節上作出自己的選擇,例如周末去邊度玩、去邊間餐廳食飯等,同佢地一齊分析每一個選擇背後嘅考量,有啲咩好處有啲咩唔好處,跟住將選擇權交返畀小朋友,即使佢最後嘅選擇未必係你心目中最好嘅選擇,但係起碼小朋友可以經一事長一智,亦要教識佢承擔佢所選擇的後果,因為個決定喺佢自己心甘情願作嘅,而唔係家長強行幫佢選擇。久而久之,就可以教個小朋友喺作出各項人生選擇嘅時候,權衡輕重,增強分析能力,同埋批判性思考。間接地為小朋友日後嘅理財價值觀做好重要嘅基礎。

Continue Reading

記賬的目標

同小朋友交談嘅期間,都會問下佢哋對於銀行戶口同埋紅簿仔嘅認識,有啲小朋友會好主動咁舉手話俾我聽佢銀行戶口有幾多錢,有啲雖然有零用錢,但每一次收到錢之後都會上繳俾媽咪,完全唔知道自己總共有幾多資產。要教好理財嘅一大步就係要做好記賬,好多教小朋友理財嘅書籍都會提到,例如要按照日期將每一次收入、消費,都記錄喺收入支出表上面,但小編認為小朋友要做到呢一點唔難,難嘅係要佢哋知道記賬背後嘅原因,同埋記賬與理財規劃之間嘅關係。盲目咁記賬,啲錢有入無出,連自己有幾多總資產都唔清楚,其實對於理財冇乜幫助。 打個比喻,就好似去爬山咁,唔知道自己身處嘅位置距離目標有幾遠,沿途有幾多個休息站或者有啲乜嘢危險、陷阱,同埋辛苦付出之後嘅意義,淨係一味向前行,會好難先有動力撐到目的地。呢個比喻同理財一樣,鼓勵小朋友記賬之前一定要同佢地一齊定立切實可行嘅短、中、長期儲蓄目標,跟住同佢地一齊傾下有啲乜嘢方法可以達到目標。待續⋯

Continue Reading

點解我想買嗰啲玩具阿媽成日都話貴,但係佢自己⋯

續上回,要解釋價值,可以同時講埋價錢同成本嘅概念。例如以用餅店售賣嘅蛋糕為例: 成本:做一個蛋糕所需要嘅材料同埋其它開支(如製餅哥哥、店員姨姨薪金、水電煤、租金等)就係製作蛋糕嘅成本,亦即係餅店製作蛋糕時所需要的錢。 價錢:而餅店係一門生意,希望生意會賺錢,所以唔會用成本價賣俾我哋,而係以高於成本價出售,亦即係餅店價錢牌上嘅售價。 價值:係講緊顧客覺得應該俾幾多錢去買個蛋糕,佢會從食物嘅質素、服務、品牌、設計等方面作考慮,即使係同一個蛋糕,每個人願意付出嘅價錢都唔同。假設一個人覺得個蛋糕嘅價值低過餅店嘅售價,佢就唔會買呢個蛋糕;相反如果佢覺得蛋糕嘅價值高過餅店嘅售價,佢就會買啦。

Continue Reading