有一次去咗個理財講座,講者問在座嘅究竟小朋友喺有錢家庭環境成長是否會開心啲呢?一位年約五十多歲嘅太太二話不說就即刻舉手話「梗係啦!屋企有錢嘅話,個小朋友想學乜嘢樂器,上咩興趣班,要乜嘢玩具,去邊度旅行,佢哋都可以輕易滿足到佢哋,咁小朋友自然會開心啲啦。」

未幾,一個廿來歲的青年人站起來這樣回應,「是這樣的,我係喺一間補習中心工作嘅,主要幫小朋友補習。據說呢啲小朋友都係住喺啲豪宅地區,相信屋企經濟環境都比較富裕。太太,雖然現在正藉暑假,但係呢啲小朋友其實無假放,而且仲向我吐苦水。一問之下發覺佢地每日嘅日程都排得密密麻麻,比我教學嘅朝九晚六仲要忙啊。」

那位廿來歲嘅補習老師繼續分享,「嗰啲嚟自富裕家庭嘅小朋友,即使喺暑假唔使返學,但每日由早上九點一直忙到夜晚九點十點,唔係忙住上補習班,就係忙住學籃球、學游水、學跆拳道、學非洲鼓、學西班牙文、學寫程式(STEM)等等。冇錯,較富裕嘅家庭可以比較容易滿足到小朋友嘅需求,學十八般武藝都綽綽有餘,但係小朋友反而唔係完全開心,仲會感到壓力,因為佢哋連放假抖氣嘅機會都無,放假仲忙過平日返學。所以有錢家庭嘅小朋友係咪就一定開心啲?我有好大嘅保留。」
經濟上可以負擔嘅,係咪一定要畀晒小朋友呢?令小朋友開心嘅唯一方法,又係咪就係要將佢哋嘅日程排得滿滿?心靈上嘅滿足又係唔係一定要同金錢、物質掛勾?

Leave a Reply

Your email address will not be published.