仲記得細個嘅時候,父母都會灌輸俾小編千祈唔好借人錢嘅訊息,當然細個嘅時候唔會點反駁,只係覺得借錢感覺不好,而且有啲罪惡感添。但係其實借貸係一門理財好重要嘅學問同埋技巧,因為就連個小朋友住緊嘅屋企都係要靠父母問銀行借貸,先至可以買得到。而父母亦都會經常喺小朋友面前用信用卡消費,都係問銀行借緊錢啦。所有達到財務自由嘅人同埋企業家都係要靠借貸先至可以成功,但係如果喺教小朋友理財嘅時候,對於借貸避而不談,到小朋友大個小小可以申請借貸產品嘅時候就可能會胡亂借貸,陷入財困。

小編建議家長可以同小朋友講要清楚知道借貸嘅目的,究竟係借貸消費享樂,定係借貸購入資產。借貸消費只會令到個人嘅財政狀況泥足深陷,而借貸購入資產可以利用別人嘅錢,即係銀行借出嘅錢,去產生被動式收入,進一步增加自己嘅資產。

Leave a Reply

Your email address will not be published.