當而家連打機、玩電競、拍片做KOL等都可以賺到錢嘅時候,作為家長係咪都要諗下一般人覺得做咗搵唔到食、賺唔到錢嘅嘢,其實都可能會有商機呢。
當你下次見到嗰仔女打緊手機遊戲、儲緊錢想買閃卡嘅時候,係咪可以放低成見,關心下佢,嘗試了解下佢咁鍾意個遊戲既原因,係因為被同學仔影響驚唔玩就冇朋友?佢哋真心鍾意啲卡通?定還是佢哋有呢方面嘅興趣技能?
Never say never,好多人都可以將自己嘅興趣發展為事業,成立初創公司,甚至上埋市㖭。
不妨多了解小朋友鍾意興趣嘅原因,同佢地一齊發掘點樣由興趣產生商機,啟發佢哋嘅思維同潛能。
學非洲鼓、學西班牙文除咗只係為咗應付入學面試,又有冇辦法可以變成賺錢商機,賦予學習知識另外一層更深既意義呢?

Leave a Reply

Your email address will not be published.