【理財態度與行為】兒童理財教育嘅精髓係……🤔 學習面對與解決問題…🧒🏻👧🏻

很多人都以為教兒童理財,只是教佢地一啲金融知識。 其實,我們亦正在教佢地其中一個非常重要嘅生活技能,就是解決問題,正確啲嚟講係要「學識面對同埋解決資源有限嘅問題」。

小編會用以下三點去解釋:
一、資源有限:小朋友要知道「慾望無限,但金錢係有限」嘅概念,不僅如此,時間、人力、天然資源等等都係有限嘅,即使是有再多嘅錢,資源亦唔會無窮無盡。

二、學識面對:小朋友清楚明白資源有限之後,就要學識面對問題,明白使用金錢的規則。例如父母帶小朋友到玩具店揀一份不超過$150嘅玩具作獎勵,小朋友就必須面對並接受現實,了解購物只可以用有限的金錢來完成。即時心儀另一個售價略貴嘅玩具,亦唔可以扭計、發脾氣。

三、解決問題:小朋友要學識解決理財方面嘅問題,方法不外乎,分清楚需要與想要、選擇較平嘅代替品、學會等待、學會選擇取捨、想想加快儲蓄的方法(開源節流)。每個方法都各有利弊,針對唔同問題解決方法都會唔同,唔可以話一本通書學到老。

「方法總比困難多」,但係現在眼見好多青年人都會一味傾吓用錢去解決問題,唔夠錢點算,咪借更多嘅錢囉。佢哋喺度解決緊眼前嘅問題,定係為自己埋下更大嘅禍根?

Leave a Reply

Your email address will not be published.