【理財態度與行為】出糧自動轉賬繳費好方便,俾錢嘅同時切忌⋯⋯

都市人生活繁忙,日理萬機,連一啲日常嘅瑣事都逐漸靠手機程式作為提示,生活中各項雜費,例如水費、電費、煤氣費、信用卡卡數、八達通儲值咭增值、手提電話月費、家居寬頻月費、保險費用、分期付款等亦可以透過設定常行指示,每月定時在限期日前從銀行戶口自動轉賬,既方便,又免去因遲繳費而被罰繳額外費用。

準時繳費還款當然係理財嘅重要一環,但不要因此而忘記出糧後先自動轉帳去繳費,其實是先付他人 (pay others first) 嘅做法,亦即係話「先消費後儲蓄」,自己辛苦賺取嘅人工,喺自己戶口停留無幾耐,就乖乖送進別人的口袋,久而久之就習慣只儲起每月用剩嘅人工,儲蓄多少純粹視乎當月嘅開支情況而定。要避免入不敷支或成為月光族,最好還是要先付自己 (pay yourself first),出糧後第一時間將自己要儲蓄嘅部分扣起,用作應付自己未來嘅需要,然後先將剩餘部分來繳交各項生活開支,咁樣就可以確保每月都有穩定嘅儲蓄部份,為將來生活作打算,計劃人生。

Leave a Reply

Your email address will not be published.