【別葡萄!🍇🍇】剛畢業的兒子工資偏低,他的爸爸這樣做……

小編從朋友口中聽到這個故事,故事發生係一兩年前,故事主角係一名公司的老闆(爸爸)👨,佢個仔大約廿零歲出頭👱‍♂️,讀設計出身,佢爸爸因為擔心佢畢業後搵唔到食,所以不斷鼓勵佢寫CV、寫求職信,無奈事與願違個仔搵咗好耐都音訊全無、搵唔到工🤨。爸爸愛子心切,又唔想公器私用請個仔喺自己公司打工,權衡輕重之下搵咗佢哋好朋友A幫忙。朋友A同樣都係一間公司嘅老闆,但係畢竟嗰個仔嘅經驗尚淺,而且公司嘅預算不足,極其量只可以用每個月$8千幾蚊請佢返嚟。

不過爸爸聽到每個月得$8000人工,心諗點夠佢個仔用啊😯,根本生存唔到,佢都唔好意思開口同個仔講佢個朋友想請佢。但爸爸始終都想個仔有份工,唔使百無聊賴,所以向佢嘅朋友提議,自己每個月私底下補貼多$8000俾個朋友,等個仔實際嘅人工起碼都有成$16,000以上,勉強夠使。

呢位爸爸既想幫呀仔,但又唔想個仔知,驚佢無晒面,可以講係用心良苦😉。爸爸覺得自己有能力所以盡量幫個仔係可以理解嘅,但係呢種暗中補貼俾個仔嘅方法,到頭來係幫到佢一時,定係埋下害咗佢一世嘅禍根?🤦‍♂️兒子要嘅係金錢,定係要學習開源節流嘅理財教育?”Give a man a fish 🐟and you feed him for a day; teach a man to fish 🎣 and you feed him for a lifetime.”

Leave a Reply

Your email address will not be published.