【小觀察大智慧💡】同一間鋪頭同一樣食物🍕🍝🍜🍱🍔,點解會唔同價錢? 外賣同堂食,邊樣平啲?🤔

食飯要俾錢小朋友都識,但佢地知唔知同一間鋪頭同一樣食物,外賣或者堂食,價錢都可能大不同。外賣平啲,定係堂食平啲,通常會有以下三種情況:

1️⃣堂食貴過外賣:喺餐廳堂食嘅成本會較高,要請樓面伙計、餐廳裝修設計、水電煤冷氣、仲有客人佔用座位嘅機會成本(即係一間餐廳喺同一時間只可以招待指定數目嘅顧客,而餐廳嘅生意額就會受可容納顧客數目所限,餐廳要多招待其他顧客,就要等第一批食客離開,對餐廳來說成本上升)。有啲較高級嘅餐廳就會用「加一(10%)服務費」嘅形式,將成本轉嫁俾顧客。而外賣嘅生意就不限於餐廳嘅大細,只要廚師應付到工作量,就可以源源不絕咁接外賣單。

2️⃣外賣貴過堂食:雖然外賣嘅份量比較少,但係就要加錢買外賣盒同埋餐具。變相將「額外嘅成本」轉嫁俾消費者,但係諗深一層,外賣嘅適合顧客唔需要佔用餐廳嘅座位,又唔需要清潔餐具,成本唔係應該仲平過外賣咩?

3️⃣堂食同外賣一樣價錢:最後一種常見於連鎖式快餐店,堂食、外賣一視同仁,因為生意規模較大,有較多嘅分店,所以可以透過唔同方法去控制營運成本。

Leave a Reply

Your email address will not be published.