【理財態度與行為】孩子扭計要買玩具,千祈唔可以咁答⋯⋯

👦🏻👧🏻「爸爸/媽媽,我想買個玩具呀!點解唔買俾我啊?」
👨🏻🧑🏻「唔…唔得呀!」
👦🏻👧🏻「點解喎?我真係好鍾意啊!」
👨🏻🧑🏻「唔准買!」

如果小朋友同你扭計話要買玩具,咁你會點拒絕佢呢?
大忌一:「爸爸/媽媽冇錢呀!」
👦🏻👧🏻「唔係喎,爸爸/媽媽可以去銀行用卡撳錢/用八達通/碌卡/用手機嘟咪得攞!」
🤔對於小朋友嘅問題,千祈唔好Hea答,以為可以蒙混過關,但實際上小朋友觀察力強,從父母身邊多多少少都留意到大人喺生活中嘅金錢活動,知道父母其實係有錢嘅,只不過錢未必以現金方式攜帶。

大忌二:「件玩具成$100太貴嘞!」
👦🏻👧🏻「媽媽頭先買嗰條裙要成$400咪仲貴,件玩具先至$100,唔貴呀!」
🤔要從小灌輸俾小朋友知道一件物件係平定貴,並唔係淨係取決於價錢牌上數目嘅大小,而係要了解物件嘅價值。例如,媽媽買嘅裙係上班服,因為經常要代表公司與客戶開會,所以上班嘅穿著需要比較大方得體,而且仲會不斷重着。玩具嘅價錢雖然是$100,但只是孩子想要的,而非必要的物品,用途只是玩樂之用,與家裏的其他玩具功能相似。

FinKAB建議💡:「我哋今日嚟百貨公司嘅目的係買日用品,而唔係買玩具,況且我哋屋企已經有好多玩具,有啲仲擺好耐都冇玩過。金錢係用嚟買自己真正需要嘅嘢,同埋應付將來嘅用錢需要,所以唔可以一見到自己鍾意就買,咁樣第時冇錢點算呢?」

Leave a Reply

Your email address will not be published.