【小觀察 大發現】牙膏盒愈大愈抵買? 大盒牙膏=大枝牙膏?

通常購物時都會普遍見到包裝/份量愈大,性價比(CP值)就會愈高,每單位價格相對較低,亦即係愈抵買。無論係米、油、飲品、零食、餅乾等,都似乎係愈大包愈抵買,因為廠商希望吸引消費者買多啲,增加銷售額和盈利。

但係小編發現有一樣日常用品則屬於另外,售價跟包裝盒大小不成比例,佢就係我哋每日都用嘅牙膏嘞。一般人嘅意識都係會諗住包裝盒越大,產品容量/數量應該會越多,每單位價格比較低,亦即係比較抵買,所以慣性隨手買大盒嘅都一定會冇蝕底。細心睇清楚就會發現到大盒嘅牙膏只係個盒大啲,但係盒面標明嘅牙膏淨重量竟然唔係最大,咁當然價錢上就比另一盒包裝盒較細、份量較多嘅嗰枝牙膏較貴。消費者稍一唔留神,誤以為「包裝盒與容量成正比」,就正正誤墮消費陷阱。

莫講話小朋友,有時就連大人都會被誤導,所以必須從小培養小朋友嘅觀察力,學會「先比較後理性消費」,作出精明嘅消費決定。

Leave a Reply

Your email address will not be published.