要解釋理財知識、態度、行為之間嘅關係,就用杯珍珠奶茶同大家解釋。炎炎夏日食完晏晝飯,經常喺台式茶飲店都會見到大排長龍,明明已經食飽飯,但係都想買杯珍珠奶茶消一消暑。一杯珍珠奶茶嘅營養價值同埋脂肪、糖分有幾多,唔少營養師都同大家分析過,對身體嘅影響心裏有數。但係點解經常將「我要減肥啊、我想瘦呀」掛喺嘴邊嘅OL總會乖乖咁買杯高卡路里嘅凍飲享受呢?即使理性上知道珍珠奶茶屬於高糖分低營養價值嘅飲品(知識) ,但係行過茶飲店始終抵受不住凍飲帶嚟嘅冰涼誘惑(態度),長長的人龍也無礙排隊的決心,最後還是乖乖下單付錢(行為)。如果態度同行為上冇配合,有再好嘅知識亦都係冇用嘅。

當然閒時一杯珍珠奶茶無傷大雅,喺夏天更加無可厚非。知識、態度、行為嘅關係,應用喺理財上,道理亦都係一樣。在知識層面上,雖然知道儲錢為將來打算喺老生常談,但如果從細開始沒有正確嘅理財態度,淨係活在當下、及時行樂,理財行為上依舊沒有為自己未雨綢繆,即使眼前有幾吸引嘅投資物,沒有準備好嘅其實亦係徒然,機會只會瞬間即逝。家長可以喺小朋友仲細嘅時候,逐步引入未來、時間嘅概念;喺小朋友嘅世界,一兩日已經喺未來,下次扭計買玩具,不妨試試要佢地連續幾天完成某指定任務先買,學習凡事收獲都要經過付出同等待。

Leave a Reply

Your email address will not be published.