今日同大家講下理財知識同理財態度嘅關係,不如就由信用卡開始講啦。信用卡嘅運作原理、優點缺點、最低還款額、還款到期日、遲還款利率、遲還款手續費、還款方法、其他收費、信用卡條款、現金透支同其他貸款工具嘅分別,呢啲都係屬於有關信用卡嘅理財知識。就算一個人知道信用卡嘅所有知識,明白到關於信用卡嘅使用條款細則,如果佢係每一次購物消費嘅時候,都冇作出有計劃嘅預算,同埋唔知道因為自己將來做好打算,久而久之總有一日都會債台高築,墮入一個消費陷阱,呢個就正正反映左即使有對信用卡有認識,但沒有正確理財態度嘅問題。相信亦都係點解依家時下咁多年青人都會變成月光族,明明月入萬零蚊,都可以變成十零廿萬嘅卡數,正正反映左缺乏良好理財態度嘅後果。理財態度唔似理財知識咁樣,並唔係可以三言兩語之間就可以學得到學得好,反而係真係要從細到大透過每一次使用金錢嘅時候作出獨立嘅分析同埋作出決定,日積月累之下先可以培養同埋訓練正確嘅理財態度。

Leave a Reply

Your email address will not be published.