續上篇,通漲嘅另一個影響就係會降低金錢嘅購買能力。要解釋比小朋友聽,用餅咭嘅例子就最簡單啦。而家普遍連鎖式餅店嘅餅咭售價都係$50 一張,如果每件西餅嘅價錢係$5,一張餅咭就可以換到10件餅。但係如果商戶決定西餅加價,所換到嘅西餅數目就會好似下圖咁。

雖然餅咭的價值維持$50 ,但係因為餅店可以控制西餅嘅售價,售價越高,一張餅咭可以換到嘅西餅數目就越小,某程度上反映咗金錢嘅購買能力會隨着通脹(西餅價格上升)而下跌。當然,餅店變相加價都有好多方法,例如減少或停售平價西餅嘅系列、縮細每件西餅嘅體積大小、減少損耗度高嘅材料(如易變壞嘅水果)、推出售價高同設計更精緻嘅西餅系列、以差唔多嘅食材製作不同款式嘅西餅以降低成本等。

Leave a Reply

Your email address will not be published.