【FinKAB理財十問十應】01. 阿媽/阿爸,你每個月賺幾多錢㗎?

隨着小朋友社交圈子逐漸擴大,接觸錢嘅機會多咗,就會對錢、大人世界增添好奇心。面對小朋友嘅奇問,既唔想十問九唔應,又唔想hea答(唔好問咁多啦,第時大個你咪知囉😀),不妨參考一下FinKAB嘅建議。

答: 每個人嘅工資係根據工作種類、性質、學歷、技能、經驗要求、年資、工作表現等決定,就以一個剛大學畢業嘅社會新鮮人為例,月薪就大約X萬(或者可以叫小朋友留意下招聘廣告)。聽落雖然好似好多咁,但係就要好好運用收入去支付各樣生活開支,如衣服鞋履、三餐膳食、住宿、水電煤上網電話等雜費、交通費、交際娛樂費、父母孝親費、強積金、保險費等等,擔子一啲都唔輕。所以重點係,要收到收入嘅時候,就應該先儲係一筆錢先,為日後嘅生活作好準備,然後先至進行消費。

Leave a Reply

Your email address will not be published.