12. 您成日話我哋買唔起,咁我哋係唔係好窮? 

答:其實我話買唔起,係指我哋屋企嘅錢係有限,唔能夠將所有想要嘅嘢都買下。我哋唔夠 錢買,並唔代表我哋窮,你睇我哋家中生活上嘅所需、衣服、書本、玩具、三餐膳食等都一應俱全,所以唔稱得上係窮。我哋要用有限嘅錢,應付生活所需之餘,亦要達成其他長期目標,所以我哋唔可以浪費金錢去買一啲無需要、奢侈嘅物品。

FinKAB話 : 小朋友年紀尚小,只會從我哋嘅說話嘗試解讀字面意思。如果家長並非真的「家中沒有錢、買唔起」,而只是覺得「物品太貴 , 售價遠超過其價值,所以不值得買」,不妨多直接向小朋友分析您拒絶購買嘅原因,是售價太高、功能不夠好、沒有實際需要、家 中已有同類型産品,還是已有其他用錢嘅計劃等,讓小朋友明白物品的價值。