答:有錢或窮並唔係用去唔去得多旅行或者係咪成日去日本定義嘅。 一家人一齊去旅行嘅意義其實係想大家可以借助假期多啲相處時間互相了解,溝通多啲,繼而令到一家人嘅關係可以更加密切。當然,有能力出國旅行梗係最開心啦。 不過,出國旅行嘅使費係一啲都唔平嘅喔,例如機票、酒店、每天三餐、當地交通費、觀光景點入場券、手信等。由於金錢係有限嘅,所以我哋係唔會用晒啲錢去旅行。

同埋去旅行係應該重質而唔係重量嘅,與其同人比較旅行地點、次數,倒不如諗下點樣可以利用有限嘅資金和家人計劃一個短途旅行/郊遊,話唔定喺旅途上有更大樂趣呢。

FinKAB話:父母亦可以利用呢個機會觀察小朋友嘅行為及同教導理財(例如:留意他們買嘢時如何作出選擇、當遇到突發狀況時會如何解決問題、會否一味用錢去解決問題等)透過多啲親子互動仲可以令到一家人嘅關係好啲呢。