答:首先,你要明白真正嘅有錢人(白手興家)嘅生活其實可能係好簡單,他們反而唔會買太多物質嘅東西。相反,他們會識得將啲錢再投資喺啲資產,令到「錢搵錢」。有時我哋見到啲人好容易就買好多嘢,但就唔代表佢哋係有錢人。相反,佢哋甚至可能會先使未來錢,借貸度日,以滿足佢哋對於物質生活嘅嚮往呢。

所以,你需要搞清楚,你係想成為「人地眼中嘅有錢人」或者係真有錢人呢?如果係後者嘅話,咁你而家可以做嘅嘢就係增進你嘅知識,睇/讀多啲書來裝備自己,利用自己嘅知識多啲思考、分析問題。當日後遇到機會時,都識得點樣去分析同投資啊。

FinKAB話:作為父母,我哋唔應該好似以前咁,一味同小朋友講「你第時大個咪明咯」,「有錢人都係奸商嚟㗎」等等,因為而家科技發達,小朋友很容易就搵到所謂嘅「答案」。與其避而不談呢個話題,倒不如正面分析俾他們聽。否則,他們會好容易墮入網上不同形式嘅金錢陷阱、騙局。