點解我哋屋企冇私家車嘅?我哋係咪好窮啊?

隨着小朋友社交圈子逐漸擴大,接觸錢嘅機會多咗,就會對錢、大人世界增添好奇心。面對小朋友嘅奇問,既唔想十問九唔應,又唔想hea答(唔好問咁多啦,第時大個你咪知囉😀),不妨參考一下FinKAB嘅建議。

答:私家車嘅功用係用嚟代步,喺香港公共交通工具嘅網絡好發達,我哋可以透過唔同嘅交通工具好方便咁樣去到好多地方,每次乘搭嘅時候先付所需車資,同樣達到代步嘅目的。但係如果要買私家車,除咗買車嘅費用之外,亦都要幫私家車安排「住」、「食」、「身體檢查」、「身分證」-
「住」: 我哋要住,車亦需要停泊在收費停車場,按照停泊小時、日數收費
「食」:車嘅食糧就係汽油,按每公升收費
「身體檢查」:汽車是機器,也有生病嘅時候,所以要定期進行檢查維修
「身分證」:汽車在道路上行走需要登記證,而且需要定期向政府繳交車輛牌照費用
除此之外,仲有車輛保險費用、公路隧道費等等。就算減少揸車,我哋亦都需要繼續俾大部份嘅費用。所以計起上嚟,每次使用私家車嘅費用會遠遠超過交通工具嘅車費。