【FinKAB理財十問十應】09. 儲起嘅錢幾時先可以用呢?

答:儲起嘅零用錢、利是錢除咗有指定用途外,亦有指定時間規限。我哋訂立目標用途之前,要知道大約需要儲幾多錢、用幾耐時間去儲(即係幾時先可以用到那筆錢),如果我哋貿貿然將已計劃用作其他用途嘅錢去滿足一個並沒有計劃嘅「想要」,會有什麼後果?就係原本已訂立嘅計劃將會被迫延遲實現,令到我哋會大失預算。所以我哋唔單止要按計劃儲錢,也要按指定時間提取金錢去完成自己訂立嘅目標。