一提起最具影響力嘅學習理財遊戲,小朋友一定會話係大富翁。一個早喺1935年面世嘅桌遊可以經得起超過80年歷史,瘋魔全球,當然有佢成功嘅原因,例如小朋友可以實實在在咁接觸到遊戲紙幣、遊戲規則簡單等。但係啲小朋友究竟知唔知個遊戲其實係玩啲乜嘢嘅呢,背後有啲乜嘢同理財投資有關嘅概念, 十個有八個都唔係好清楚,淨係要知道令到其中一個對手在遊戲中破產,而自己想辦法獲得最多嘅現金同埋資產咁就為之勝出。大家下次去玩具店嘅時候不妨睇下個遊戲盒封面,其實大富翁只係一副關於房地產交易嘅遊戲,而房地產只不過係財富管理嘅其中一種方法。透過大富翁去學習財富其實都有唔少限制,例如沒有預算、沒有記賬的要求、以別人破產的遭遇作為自己勝出遊戲的目標、遊戲勝出目標只在乎累積了多少財富,呢啲絕不等於現實上一個人在社會上嘅人生目標,家長如果沒有在旁邊提供適當嘅解說同引導,任由小朋友自己去摸索,有機會令到小朋友只將着眼點放喺累積財富嘅多少,而沒有考慮其他方面,例如誠信、風險管理、道德觀念等。待續⋯

Leave a Reply

Your email address will not be published.