【小觀察大智慧】
這兩次在外地用完信用卡後,就發生了這樣的事⋯⋯

唔少人現在到外國旅行都會多用信用卡簽賬,既方便又可多賺信用卡積分或飛行里數,又或者去到當地銀行櫃員機直接提取外幣,免去旅途中攜帶大量現鈔的不便同埋被偷錢所招致的損失。小編在這星期會分享兩次在外地使用信用卡所遇到的問題,希望大家引此為戒。

一、事發在兩年前,小編去廣州一間餐館食飯,埋單約人民幣二百多元,因為身上的現鈔所剩無幾,所以用咗一張自開卡後從未使用過的信用卡付款。三數天後上網查查信用卡過數記錄,駭人發現除咗嗰項記錄外仲有多達三十多項大大小小嘅Uber乘車付費記錄,全為人民幣結算,金額少至幾十元,多至幾百元不等,換算港幣總額多達四千元。就這樣一餐二百多元的飯變成了四千幾元,當然發現後馬上致電銀行信用卡中心取消該卡,並匯報相關信用卡資料被盜嘅賬單項目,申請將有問題嘅款項退回。

二、第二次在二零一八年六月中發生,小編去台灣自駕遊,在旅程最後一日還車之前去油站入油,並用咗另一間銀行嘅信用卡付款,交易金額大約港幣$200,而這次亦係整個旅程入面唯一一次使用該信用卡。回港後數天小編起床後睇到手機上有多達30多個SMS訊息,每個訊息就是每次使用信用卡的交易記錄,小編馬上登入銀行網站查一查信用卡付款紀錄,真係見到有多達30多項但並不屬於我的網上購物交易記錄,商戶遍及美國、盧森堡、荷蘭、愛爾蘭,交易類別由網上遊戲平台、手機應用程式、網上商店、打車等發出的交易記錄,每項交易金額由港幣$40至$6400不等,涉及有問題嘅帳目總額高達港幣$38000!當然小編馬上致電信用卡中心取消該卡,並申請上訴有問題的賬目,雖然事隔三個多月,小編嘅信用卡帳單仲有少部份有問題嘅賬項尚待解決當中。

在外地使用信用卡當然好方便,但係亦千祈唔好輕視使用信用卡時的保安問題,例如信用卡資料被盜、商戶是否有認可的信用卡資料加密編碼保安系統等。小編喺教小朋友理財嘅時候都會特別談及社會無現金化對我哋生活嘅利與弊,科技帶俾我哋方便小朋友很容易明白同理解,但使用金融科技背後所涉及嘅安全、保安問題,就要及早加強小朋友對這方面的意識同教育。

Leave a Reply

Your email address will not be published.