喺小朋友心目中,對信用卡嘅印象係……

而家喺無論係電視廣告、社交媒體甚至一般網站嘅廣告都好容易會見到信用卡嘅廣告。發卡公司鋪天蓋地咁宣傳使用信用卡後可以提升生活品味質素、協助提前實現自己嘅夢想同埋目標,正當你以為呢啲廣告主要推銷俾成年人(申請信用卡主卡嘅年齡門檻係18歲),小朋友即使睇咗都冇得申請、冇得用信用卡,無乜所謂。

小編喺教小朋友理財嘅時候都會講解信用卡嘅功用同利弊。問到一班8至10歲嘅小朋友對信用卡嘅印象,佢哋不約而同嘅反應係「買嘢有優惠、可以平啲!」「買嘢有禮物、有嘢送!」「買嘢時方便俾錢!」無可否認呢啲都係使用信用卡嘅好處,但係小朋友一面倒嘅答案,將着眼點只放喺信用卡嘅優點,某程度亦都反映咗佢地只係透過廣告接收到偏頗嘅資訊,並沒有全面客觀地認識事物的真實面。

小編繼續分享如果遲還信用卡卡數,發卡銀行將會收取高達36%年利率嘅利息作為「懲罰」。「嘩!咁銀行即係呃人喎!」非也,喺消費者申請信用卡嘅時候,銀行其實喺信用卡嘅使用條款說明入面清楚交代遲還款嘅利息同埋其他費用,消費者同意條款之後先會簽字作實,同意所有使用信用卡嘅相關條款,銀行先會幫你辦理信用卡,所以並唔係呃人。

Leave a Reply

Your email address will not be published.