【理財知識】什麼是資產?

資產係指任何可以轉換為現金嘅物品/投資產品。

資產可以按照現金流同資本增值機會,分為四大類。
(1)可提供正現金流嘅資產
(2)可提供資本增值機會嘅資產
(3)可提供(1)和(2)嘅資產
(4)既不提供(1)、也不提供(2)嘅資產

可以用買一輛新車做例子同小朋友解釋,汽車係屬於比較貴嘅產品,所以車行都會提供分期付款幫助車主,例如車價係10萬蚊,可以分開幾年贘還,每個月假設供車加雜費需要$3000。如果車主A想將呢架車變成賺錢工具,可以選擇喺自己唔用車嘅時候,租俾其他人賺取額外收入。如果今個月佢可以租得出$4000,咁就可以有$1000嘅正現金流,呢架車對於呢位車主嚟講屬於第一類嘅資產。

第二類嘅資產可提供資本增值嘅機會。續上回嘅例子,車主B以$10萬買入新車,車子係屬於車廠品牌限量版型號,不論外觀設計、性能表現等都與眾不同,加上車主屬愛車之人,兩年後車子保養仍然新簇,如果有人願意以$11萬向他買下,咁對於車主B嚟講嗰架車就可以為佢帶來資本增值嘅機會。換句話說,資本增值喺指賣出資產的價格高於買入資產的價格。

明白咗正現金流同埋資本增值嘅特性之後,第三、第四類嘅資產就會較易理解。有一點要特別澄清,就係資產嘅分類係會隨着外在因素同埋條件而改變,並唔係話第一類資產永遠都會屬於第一類,例如某月車主A嘅租金收入只有$2000,即係$1000負現金流,咁嗰個月佢架車就唔會係屬於第一類嘅資產。

Leave a Reply

Your email address will not be published.