要解釋理財知識、態度、行為之間嘅關係,就用杯珍珠奶茶同大家解釋。炎炎夏日食完晏晝飯,經常喺台式茶飲店都會見到大排長龍,明明已經食飽飯,但係都想買杯珍珠奶茶消一消暑。一杯珍珠奶茶嘅營養價值同埋脂肪、糖分有幾多,唔少營養師都同大家分析過,對身體嘅影響心裏有數。但係點解經常將「我要減肥啊、我想瘦呀」掛喺嘴邊嘅OL總會乖乖咁買杯高卡路里嘅凍飲享受呢?即使理性上知道珍珠奶茶屬於高糖分低營養價值嘅飲品(知識)Read More →

今日同大家講下理財知識同理財態度嘅關係,不如就由信用卡開始講啦。信用卡嘅運作原理、優點缺點、最低還款額、還款到期日、遲還款利率、遲還款手續費、還款方法、其他收費、信用卡條款、現金透支同其他貸款工具嘅分別,呢啲都係屬於有關信用卡嘅理財知識。就算一個人知道信用卡嘅所有知識,明白到關於信用卡嘅使用條款細則,如果佢係每一次購物消費嘅時候,都冇作出有計劃嘅預算,同埋唔知道因為自己將來做好打算,久而久之總有一日都會債台高築,墮入一個消費陷阱,呢個就正正反映左即使有對信用卡有認識,但沒有正確理財態度嘅問題。相信亦都係點解依家時下咁多年青人都會變成月光族,明明月入萬零蚊,都可以變成十零廿萬嘅卡數,正正反映左缺乏良好理財態度嘅後果。理財態度唔似理財知識咁樣,並唔係可以三言兩語之間就可以學得到學得好,反而係真係要從細到大透過每一次使用金錢嘅時候作出獨立嘅分析同埋作出決定,日積月累之下先可以培養同埋訓練正確嘅理財態度。

之前都同大家講過理財係包括三個範疇:理財知識、理財態度、理財行為。而理財態度往往為人所忽略,理財態度其實係指一個人會唔會現在有計劃咁為將來要用錢嘅時候作出犧牲,亦即係會唔會用當下有嘅錢去及時行樂,而沒有為將來作好長遠嘅打算。小編認為理財態度係三個範疇入面最重要亦係最難教,而且必須要越細訓練越好。有時啲家長覺得,唔通次次去購物消費嘅時候都要佢比較嗰一角幾毫咩,慳埋慳埋啲錢都唔會幫我買到樓啦,反而可能俾小朋友覺得自己好計較,計得太盡。小編經常強調,教理財唔係淨係要教小朋友慳得一蚊得一蚊,反而要灌輸俾小朋友購物嘅時候要作出比較,貨比三家,喺眾多廣告耳濡目染嘅情況底下,挑選自己真正需要,而且符合自己嘅預算,從小喺細至買日用品,到大個嘅時候要買各樣嘅理財投資產品,都可以作出精明嘅選擇。舉個例子,小朋友扭計想買玩具嘅時候,家長可以用呢個機會同佢分析延遲享樂的概念,例如將買玩具嘅錢儲起,而且作出適當嘅投資,他日財富就會增值,可以用來完成較大嘅夢想,例如去旅行。咁樣可以令到小朋友諗下自己嘅將來,而唔係淨係活在當下,及時行樂。

一提起最具影響力嘅學習理財遊戲,小朋友一定會話係大富翁。一個早喺1935年面世嘅桌遊可以經得起超過80年歷史,瘋魔全球,當然有佢成功嘅原因,例如小朋友可以實實在在咁接觸到遊戲紙幣、遊戲規則簡單等。但係啲小朋友究竟知唔知個遊戲其實係玩啲乜嘢嘅呢,背後有啲乜嘢同理財投資有關嘅概念,Read More →

依小編愚見,覺得世上最叻嘅講數專家一定係小朋友。去餐廳食飯經常都會見到小朋友一坐低,就嚟一場等價交換,攤大手板問父母攞佢哋嘅手機打機、睇卡通片,換嘅喺成餐飯都靜靜咁邊玩邊食飯,唔會扭計,唔會扎扎跳。再誇張嘅係,同一班長輩親戚同檯,即使父母叫小朋友見到長輩要叫人、打招呼,但係小朋友點都唔出聲,甚至會發脾氣,父母當然尷尬無面,再迫小朋友叫人。通常雙方都會互相拉鋸角力,甚至陷入膠著狀態,直到家長投降就範,雙手奉上手機俾太子公主。此時小朋友就會乖乖叫人,一於履行合約精神,報酬就係有手機玩,再次講數成功,又一次完成等價交換。如果你係當事人,你又會點做呢?