同小朋友交談嘅期間,都會問下佢哋對於銀行戶口同埋紅簿仔嘅認識,有啲小朋友會好主動咁舉手話俾我聽佢銀行戶口有幾多錢,有啲雖然有零用錢,但每一次收到錢之後都會上繳俾媽咪,完全唔知道自己總共有幾多資產。要教好理財嘅一大步就係要做好記賬,好多教小朋友理財嘅書籍都會提到,例如要按照日期將每一次收入、消費,都記錄喺收入支出表上面,但小編認為小朋友要做到呢一點唔難,難嘅係要佢哋知道記賬背後嘅原因,同埋記賬與理財規劃之間嘅關係。盲目咁記賬,啲錢有入無出,連自己有幾多總資產都唔清楚,其實對於理財冇乜幫助。Read More →

績上篇「記賬的目標」,當小孩收到利是錢或者零用錢嘅時候,就要定立一個儲蓄百分比,將用作儲蓄用途嘅錢放喺一個安全而且唔容易接觸嘅地方,而其他錢就要因應自己所需分配支出,例如分配好每星期係衣食住行各方面所需要嘅必須開支。跟住每日就要因應佢哋嘅實質開支記低,然後定期同小朋友跟進,睇吓佢會唔會按照原定計劃達到一星期嘅目標。如果小朋友係屬於「大花筒」,咁就要同佢傾下,睇下佢嘅開支係唔係必要,屬於需要定係想要;但係如果小朋友唔係太多洗費,就連必要開支都慳嘅,咁就要開導下佢,了解一下佢嘅諗法。Read More →

不同年紀嘅小朋友可以用相應嘅方法去學習記帳和預算。小編設計咗以上呢幅圖幫幫大家。希望大家多多支持,分享俾身邊啲朋友。