小孩懂什麼?
好多家長會覺得自己小朋友太細,又沒有俾零用錢個小朋友,所以都係遲啲先同小朋友講關於金錢、理財的課題。但係其實小朋友細至三歲嘅時候,佢已經無時無刻接觸到錢同埋生活用品有關嘅理財課題,家長應該把握每一個機會,向小朋友講解作出購物選擇的原因,從細就去學識選擇,栽培佢成為一個精明嘅消費者。
例如每次去超級市場買零食嘅時候,可以用提問嘅方式去問小朋友點解佢會揀一包薯片,先了解佢作出選擇嘅原因,然後再從旁提供引導,叫佢去比較佢所挑選嘅牌子,同埋其他牌子係售價、質量丶食物營養標籤、食物產地、食物最佳保鮮日期等,有喲咩分別。
理財教育往往係要從多角度去思考問題,作出宏觀嘅考量,而唔係單單係叫小朋友去選擇價錢最平,慳最多錢,先為之最好,反而要小朋友明白價錢同埋價值嘅分別,呢個先至係理財教育重中之重嘅目標。

Leave a Reply

Your email address will not be published.