唔知大家屋企嘅小朋友會唔會咁樣講呢? 話說係FinKAB工作坊內,經常都會俾小朋友體驗一下喺不同工作崗位下,需要不同的技術、才能,才可完成手頭上的“工作”。通常喺活動前,我哋都會問下小朋友打工是否辛苦? 有部分小朋友竟然好快脆咁答,「一啲都唔辛苦!」追問之下,先發現,市面上嘅工作體驗日竟然就係罪魁禍首!其實,不難想像,試問工作體驗日又點樣可以令到小朋友有真正工作上嘅壓力呢! 除此之外,有啲再辛苦啲嘅工作,例如工程師,服務人員,建築師等,呢啲行業好難令到小朋友體驗箇中辛苦,例如他們很多時候都需要係炎熱嘅天氣、很緊急嘅情況下解決問題。而他們上嘅體驗日就會比較似「角色扮演」,穿著迷你版嘅制服,5-6個「侍應」一齊抹一張檯等等。咁小朋友係咪仲可以理解大人打工嘅辛酸呢?還是令到他們有錯覺以為打工都係不外如是。
相信父母俾小朋友參加呢類型嘅活動都係想他們了解多啲唔同行業。既然如此,點解唔帶他去「真實嘅工作現場」觀察下,你又可以在旁解釋、引導佢哋思考,令佢哋真正體驗「打工捱世界」呢!