嚟緊呢幾日想同大家講下投資海外酒店、服務式住宅的好處同埋應注意嘅事項。

首先了解一下酒店投資嘅背景先。

大家成日喺旅遊雜誌丶酒店比價平台會見到好多酒店品牌開到成行成市,好似一個城市已有起碼5至6個屬於同一品牌(但唔同Line)嘅酒店。

你估佢地喺唔喺全部都喺酒店品牌自己買地丶自己搵地產發展商起樓、再自己裝修搞埋品牌形象同日常酒店物業管理呢?

須知道酒店品牌要一腳踢由頭到尾做到一條龍丶全包宴服務,唔喺唔得,而且咁做可能賺到最盡,但佢地自己知自己事,一定唔會全部一條龍自己做。

背後原因好簡單,國際酒店品牌在商言商,在賺到盡嘅同時,一定要知道自己可以承受嘅風險同埋自己品牌嘅價值同長處。酒店品牌嘅expertise,必定喺佢地管理酒店日常營運丶房間餐飲管理服務、設施配套服務以及建立及鞏固品牌形象,亦即喺無論你去到世界邊個城市、邊間佢旗下嘅酒店,服務同設施都喺一致的、一貫的。呢點亦都喺點解高級國際酒店品牌無論收你幾多錢一晚都好,一定會有唔少die hard fans冒名而來入住,即喺brand loyalty。

其實國際知名酒店品牌為咗賺錢之餘、而又要降低投資項目嘅風險,包括:需要高資金注入,佢地通常只喺向地產發展商「租」咗整棟或只喺部份大廈樓層,然後再進行內部裝修,跟手掛翻個大名牌,就開門大吉等做生意。

咁樣一來酒店唔洗比咁多資金買塊地同起樓,而且仲可以更快丶更大規模地,通過品牌旗下嘅唔同line及子品牌,將品牌浸入世界各地打響名堂。

作為地產發展商,當然唔會只喺起完樓然後向租戶收返每月租金咁被動,亦即係好似管理商場咁。

反而,你想發展商可能會快啲賣出啲商廈(酒店)單位,即係cash out,快啲攞返啲錢去投入下一個發展項目。咁就衍生出各種酒店、服務式住宅投資項目。

發展商會向世界各地嘅投資者發售每個酒店房單位,跟住再叫投資者租返個單位比酒店品牌,仲要一租就租十年八載(有啲發展商可以三年又三年咁簽嘅),酒店就會按照與投資者簽落嘅租約發放已定嘅保證(或非保證,即按實際房租回報分成)租金回報。

實際上如何操作、回報計算方法及過咗保證期後嘅方案係點,日後將另文詳談。

順帶一提,澳洲政府有法例要求地產發展商將買樓花而向投資者收取嘅訂金放喺律師樓嘅信托基金內,禁止發展商馬上用剛收到嘅訂金去起該項目。

亦即係話喺地產發展商冇翻咁上下實力,都唔可以喺澳洲起樓。當然對於投資者來講會有更大嘅保障,同埋可以增加投資者對發展商及發展項目嘅信心。