小編最近喺Facebook見到一個早年嘅泰國銀行廣告,雖然長係長啲,但係睇完之後忍唔住都要同大家分享。

廣告講述一個八、九歲左右嘅男生🧒,夢想日後成為太空人👨‍🚀,有一日喺間舖頭外見到一個自己好想要嘅天文望遠鏡🔭,但係發現自己唔夠錢買,所以就諗盡辦法將自己嘅零用錢一分一毫咁慢慢累積。佢每次行過唔同嘅玩具店、遊戲機舖見到佢嘅同學仔抵受不住誘惑去買玩具或者及時享樂,而佢連見到賣魚蛋嘅姐姐都諗住問佢可唔可以淨係買一粒嚟食,可想而知佢係幾想買嗰個望遠鏡🔭。佢一直堅持呢種死慳死抵嘅生活方式,終於俾佢儲夠錢喇,佢滿心歡喜去到間舖頭,發現咗支望遠鏡🔭竟然加!咗!價!個男生馬上晴天霹靂🌩️,心情跌到谷底。

廣告嘅寓意係大家唔可以一味淨儲錢,而係要靠投資去對抗通脹。大人一睇就會好易有共鳴,但對小孩嚟講,偏偏事實就係比想像更殘忍,通脹簡直係不能相信、不能接受嘅惡夢。所以喺小孩理財教育中,亦都要適當地灌輸基本投資、錢生錢嘅概念,及早對金錢有較全面嘅認識。

▶️影片轉載▶️https://www.youtube.com/watch?v=a2lv_Xl1e4U&t=70s

Leave a Reply

Your email address will not be published.