FinKAB:農曆新年就快到,你哋有冇收到利市㗎?

冷靜型的6歲小明:「冇喎,交曬俾阿媽」

理直氣壯的7歲小晴:「有啊,喺阿媽度,她話幫我哋保管喔」

好激動的9歲小智:「阿媽攞晒我啲錢買化妝品,我睇到㗎!」

眼神充滿疑惑的10歲雯雯:「阿媽成日話幫我儲起,我都唔知真定假。」

睇落去好醒目嘅小芝:「你哋應該學我,將一部分嘅利市上繳而另外一部分自己袋埋,就行咯。」

的確,好多時都會見到小朋友一手收利市,一手馬上乖乖上繳父母,交由父母代為保管,到小朋友大個時才可以拿錢,有時甚至無權過問,同某種儲蓄保險產品有異曲同工之妙。

我們當然明白一下子收到這麼多利市錢,父母擔心小朋友不懂保管利市錢或亂花錢可以理解的,但都要明白「冇錢到手」令小朋友錯過了很多學習管理金錢的機會亦都會令到他們「誤會」爹地媽咪將他們的錢據為己有。

小朋友無錢在手,分分鐘連自己今年收到利市錢的金額都不太清楚,變相小朋友就會失去了機會認識、實踐使用金錢的方法。

例如如何先正確分配儲蓄的部分、訂立可行或可達到的理財目標、分清楚想要與需要、決定每個消費項目的上限等。

延伸閱讀:如何設定可達到的儲蓄目標?

如果利市錢由家長代為全權管理,學習理財的只會係家長,小朋友長大後只會收到「本金與回報」,卻正正缺乏了理財知識同埋管理金錢應有態度。

身邊有很多家長都會幫小朋友投資,然後到他們長大之後再還給他們。但是這個動作亦有可能令到小朋友覺得天降財神,突然間有筆客觀的財富,當然要請朋友食飯慶祝啦。

明白放在銀行的利息可能不高,不過如果這樣做而可以令到小朋友明白財富增值是需要時間和儲蓄是會有利息的同時,又可以讓他們看到儲蓄數字上的增長,都不失為個好方法教導他們先儲蓄,後消費。當然如果家庭尺度允許的話,可以教導小朋友如何投資而令到他們可以真正為自己未來準備。

延伸閱讀:有需要幫小朋友開個銀行儲蓄戶口嗎?