前陣子我同小朋友分享每逢收到零用錢就要「先儲蓄、後消費、再捐獻」,有位約10歲嘅男仔問「咁有冇建議答案㗎 ?」。的而且確係一個好好嘅問題,管理財富從來冇單一嘅標準或建議答案,往往因人或情況而異,但係小編就認為可以參考以下嘅大原則為自己定出最適合嘅「黃金比例」。

粗略估計需要消費的總額,並要量入為出:每個家庭對於零用錢嘅定義都有所不同,亦同小朋友嘅年紀、對錢嘅認識有關係,例如有啲父母可能會叫小朋友用部份零用錢來支付正餐、車費等必須開支,而另一啲就冇呢方面嘅情況,所以兩者嘅儲蓄比例自然會有唔同。

正確嘅分配金錢次序遠比金額多少來得重要:對於剛開始接觸金錢嘅小朋友,或者會較難抵禦外界各式各樣嘅玩具、零食、飲品嘅引誘而過度消費,咁樣就會導致唔能夠持續地儲蓄,「有剩就儲,唔好就下個月先儲」,所以小編一向強調要先定下儲蓄的金額,其餘嘅先用作消費。

定期檢討儲蓄與消費嘅比例,睇吓有冇改善空間:隨着小朋友年紀增長,喺學校、生活中需要用錢嘅機會亦越來越多,不妨定期同小朋友一齊討論消費是否符合真正需要,儲蓄金額又是否足以實現中期目標等。

Leave a Reply

Your email address will not be published.