上星期去咗一間小學同啲小四嘅學生分享理財知識,講咗一個有時連大人都會混淆嘅付款方法,就係西餅咭嘞。小編首先俾個任務佢哋,就係叫佢哋選擇究竟用唔用西餅咭去購買指定數目的西餅,咁當然要用西餅咭購物嘅時候,就會有好多附帶嘅使用條款,例如購物嘅時候西餅要以原價計算,如果購買西餅嘅價值少於西餅咭可兌換嘅價值,餘額係唔會有零錢找續嘅。Read More →

唔俾小朋友接觸錢,因為驚佢整唔見、好闊佬咁請同學食嘢、冇節制洗晒啲錢。即使係利是錢或生日、節日賀禮,小朋友俾我地嘅回應十居其九都係收到錢後即刻上繳父母代為保管、管理。與其擔心小朋友太早接觸錢,倒不如調返轉頭諗下小朋友自細學識管理金錢之後,點樣幫佢解決生活嘅問題,學識獨立成長,學習控制金錢及培養成為有責任感嘅人。使錢(消費)亦都係一門學問,要從小學習、實踐,而這正正需要小朋友從小有錢揸手,學習管理金錢的規則。即使小朋友初時對用錢沒有什麼概念,可能是大花筒,但通過不斷學習體驗,就會漸漸有所掌握,對金錢及自己負責任。