之前同唔少家長傾開理財教育嘅時候,發現咗一個常見難題,就係連家長本身都唔確定自己個套理財價值觀是否正確。

其實,理財呢樣嘢真係冇標準答案,就等於有人覺得一杯喺咖啡店賣緊$50嘅咖啡物有所值,可以在舒適嘅環境下睇吓書,聽聽音樂,放鬆一下;有人就覺得好貴,寧願用同等價錢食個午餐。

點樣先叫做正確的理財價值觀,就好視乎你對於邊方面比較着緊,是當下嘅享受,還是日後嘅生活需要。

每個家庭都有自己嘅價值觀,所以小朋友嘅價值觀就係由你身上學返黎嘅。

如果你想他珍惜,不要浪費,咁你就要確保自己在子女面前都做到呢一點,例如不要叫過多分量嘅食物、不要浪費食物等。

如果你想他唔好食飯時睇或玩手機,咁麻煩你都要學識放低部手機,或至少喺他面前做到。

其實以身作則從來都唔容易,不過,如果你決心要小朋友唔單止在學術上表現好之外,仲想他早啲學習理財呢個人生技能嘅話,請你也陪伴他一起學習、一起成長。

我哋FinKAB每兩星期都會出版電子報(newsletter),同大家分享下平時可以同小朋友一起討論嘅理財話題,以作參考。

我哋亦會透過電子報推介熱門的理財文章、理財知識、教學要點,亦讓各讀者優先報名嚟緊嘅家長講座或兒童理財工作坊,歡迎各位透過下列連結訂閱: http://FinKAB.com/subscribe/