FinKAB理財知識平台創辦人Sarah於1月29日接受香港電台《日常8點半》節目訪問時透露,「家長不妨讓子女一同拆利是,記下數目,並同小朋友傾下利是錢喺用嚟滿足那些理財目標,儲蓄、買嘢、甚至做善事等。」

不少家長都會覺得小朋友每年收到的利是錢不算太多,是否真的有需要為年輕的子女開立專屬的銀行儲蓄戶口。「開立兒童儲蓄戶口嘅好處係可以讓小朋友認清自己嘅財富,可以睇住財富續步增長,家長亦唔會擔心與孩子嘅錢溝亂,賬目會更加清晰。」Sarah同時亦指出家長除了要留意開戶迎新禮物之外,亦都要注意以下事項,「銀行有否提供實體存摺?有冇提供存款卡/提款咭?有冇戶口最低存款額等限制。」

主持人問到,家長應在孩子多大時才討論與錢有關的題目,「呢個問題其實視乎個別家庭的尺度而定,一般來講係小朋友三四歲時,又或者等孩子對數字、運算有基本認識時,父母都可以喺日常生活中多啲比佢哋接觸購物、用錢嘅項目,例如我去超級市場買嘢嘅時候,都可以叫佢哋留意一下價錢,討論一下買嘢嘅目的等,等佢地明白買嘢前要作出適當嘅思考。」經常與小朋友講錢,會否令到他們容易斤斤計較,對錢看得特別大,Sarah這樣認為「家長同小朋友講錢嘅同時,你都要向佢哋分析其實有好多嘢都唔可以用錢買得到,例如健康、快樂、家人、朋友等,令小朋友對錢有一個比較平衡嘅概念。」

待續
訪問片段:https://www.youtube.com/watch?v=gHjooxPKxyc&t=1586s