續上回香港電台《日常八點半》於29日訪問FinKAB理財知識平台創辦人Sarah,分享一下教授兒童理財的心得。不少家長都有疑惑,應該到孩子多大才給予零用錢,而且應該如何釐定零用錢的金額。「這個很視乎個別孩子的實際需要,若孩子並沒有固定支出,例如外出食飯、搭車等,只需要酌量就可以;但如果佢哋已經有固定支出,咁零用錢方面就可以比佢哋所需要嘅金額,另外再加上大約10至20%以備不時之需。」

Sarah透露除了要教孩子儲蓄外,亦不忘教導他們理性地消費及捐獻。「其實不妨同小朋友利用屋企剩餘嘅物資,例如餅乾、糖果罐,因應唔同嘅用途製作幾個錢甖,讓小朋友增加參與感,同埋可以等佢哋認清自己嘅儲蓄目標。」主持人知道一些與財富相關嘅桌面遊戲如大富翁,都廣受小朋友歡迎,那麼家長可以藉此教導小朋友理財嗎?「呢度桌面遊戲係屬於零和遊戲,即係勝出一方嘅財富係由其他玩家手上的獲得,而且遊戲玩法係要令到其中一個玩家率先破產,然後再按其他玩家手上嘅財富多少分出勝負。但現實生活中我哋理財嘅目的唔係為咗要同人地比較,鬥多財富,而係為咗自己嘅將來打算。」

有些家長會用金錢獎勵孩子做家務、讀書,這樣做有沒有問題呢?Sarah繼續分享「因為每個家庭都有自己嘅價值觀,所以我哋就冇特別強調啱或者唔啱。我都明白有好多家長就想個小朋友明白搵錢辛苦,就想仔女做家務去賺取金錢。不過都要留意番,有啲家務其實可能係小朋友本身應該盡嘅責任,未必適宜用金錢作為獎勵。另外,我都會建議父母可以俾小朋友去一嘗賺錢嘅滋味,例如我見過有啲小學生鍾意做啲小手工,跟住喺格仔鋪擺賣,甚至可以做網紅推介自己嘅產品。」

待續
訪問片段:https://www.youtube.com/watch?v=gHjooxPKxyc&t=1586s