續上回香港電台《日常八點半》於29日訪問FinKAB理財知識平台創辦人Sarah,有關給予小朋友零用錢的建議。Sarah亦都與大家分享有關兒童理財工作坊的活動內容,「最受小朋友歡迎嘅活動一定係『搵食艱難』,同一般坊間嘅打工體驗唔同,我哋會喺指定時間內要求小朋友按照抽到嘅職業完成指定嘅工作,職業包括測量師、建築師、工程師、發明家等。如果能夠按指定標準完成嘅話,就可以獲發工資同埋獎金。跟住佢哋就要學識點樣將賺到嘅錢,依照儲蓄、消費、分享呢三個部份進行分配。小朋友覺得呢個工作體驗既有挑戰性,又可以明白父母打工嘅辛酸,亦可以學識賺錢之後應該點樣管理金錢。」

主持人問及現在的小朋友對錢的觀念與上一輩有什麼不同,「現在的小朋友會較輕易接觸電子貨幣,例如八達通,只需要用卡輕輕一嘟,就可以完成付款嘅動作,對小朋友嚟講俾錢會更加無肉痛嘅感覺。正正亦都反映咗家長更加唔應該忽略對孩子理財教育嘅重要性。」Sarah亦在節目中分享現在的小朋友所認識的「賺錢方法」,「曾經遇過一個小三、小四女生,同我講參加選美比賽就可以贏取好多獎金、獎品,亦有學生同我地分享可以靠賭博嚟賺錢。所以小朋友嘅諗法或多或少會被佢哋周遭所接觸嘅人和事所影響。」

Sarah在訪談尾聲亦寄語家長在理財教學上務必以身作則,樹立良好的榜樣,「如果家長出外食飯嘅時候都叫到全枱都係餸,食唔晒又浪費食物,子女就好可能會有樣學樣,不會學懂珍惜。呢個概念應用喺理財教育上亦係同出一轍。」

訪問片段:https://www.youtube.com/watch?v=gHjooxPKxyc&t=1586s