科技的確為我哋帶嚟好多方便,喺超市買嘢喺自助櫃台用卡、手機一嘟就得,等巴士地鐵等多1分鐘都嫌耐,就連去麥記買嘢食都可以用手機先訂餐,隊都唔使再排,要乜嘢都好似垂手可得。

方便嘅同時亦都令人越嚟越冇耐性,想要嘅嘢就想馬上得到手,小朋友亦會有樣學樣,想要啲乜就想即刻到手。例如小朋友扭計想買玩具,就會喺百貨公司lur地,父母見到玩具都係百零二百蚊唔算太多錢,就會買俾個小朋友氹佢開心。而小朋友就係大贏家,只要用一招「發爛渣」,想要乜嘢都可以輕易得手。久而久之,小朋友就會冇耐性,唔需要經過等待就可得到心中所想。但係偏偏理財就係需要耐性嘅,適當時候向孩子說「不」令佢哋學會付出、等待,凡事唔可以不勞而獲。唔通俾得起,就要即刻買俾佢?

Leave a Reply

Your email address will not be published.