【理財知識】理財基本步:儲蓄消費捐獻,小朋友問:「我點解要捐獻先?」🧐咁你會點答呢?

小朋友有零用錢之後,通常都會鼓勵佢哋依照次序先儲蓄,後消費,再捐獻,作為學習理財嘅基本步。「先儲蓄後消費」嘅好處係可以學習訓練量入為出嘅概念,培養出有計劃嘅性格。但係有小朋友會問,咁點解我要捐錢呢?
小朋友有咁嘅諗法一啲都唔出奇,明明零用錢、利是錢已經到咗手,咁就即係屬於自己㗎啦,唔明白點解要俾錢其他人。小朋友要明白到每個人嘅際遇、生活環境都唔同,當自己生活得開心快樂嘅時候,與此同時亦都有好多人冇我哋咁幸福,我哋可以盡自己能力將快樂分享俾社會上有需要嘅人。如果小朋友冇錢咁又點分享呢?其實亦可以透過捐贈家中多餘嘅衣物、玩具,利用自己嘅時間、知識(如做義工、義教、賣旗)等,幫助别人,讓小朋友明白到其實透過分享自己所擁有的俾別人也可以獲得快樂同滿足感。

Leave a Reply

Your email address will not be published.