績上篇,至於市面上其他有關理財方面嘅遊戲呢,都只着眼於喺指定嘅時間之內獲得最大嘅金錢成為唯一嘅勝出目標,唔係好貼地,好難令到小朋友了解佢地長大後所面對嘅理財管理的問題,亦都可能係呢個原因所以令到好多家長覺得教授理財好似教到啲小朋友好市儈,斤斤計較,只向錢看,所以唔知點開始教就連講都唔會多講。咁樣又點可以期望子女長大之後會有好好嘅理財觀念呢?一套好嘅桌上遊戲,可以令到小朋友手腦並用,將所學到嘅理財知識加上創意靈活運用喺遊戲上,家長應該鼓勵小朋友喺遊戲中犯錯,喺旁邊作出指導,問返小朋友喺每一次作出錯嘅決定時學到啲乜嘢,等佢日後係現實生活中唔好再犯同樣嘅錯誤,進一步增強財商指數。喺遊戲中犯錯其實無傷大雅,家長仲可以借呢個機會增加同小朋友相處嘅親子時間,唔使成日各自各咁對住部手機零溝通。