【理財態度】以下金錢觀是對還是錯,你又點睇?
1. 金錢係萬惡之首
無可否認金錢確實係犯罪嘅其中一個原因。不過,就係因為有好多人自細缺乏正確嘅理財概念而導致佢哋因為眼前嘅利益而犯罪。有睇開小編文章嘅朋友仔應該都知道其實致富往往同你既錢嘅多少都唔算係有直接關係。原因係若一個人有很多錢,但唔識理財投資,一味淨係識得即時享樂嘅話,就算你有億萬身家都唔夠洗咯!所以錯誤嘅金錢觀會引導人行錯路,相反正確嘅觀念反而令個人同埋家庭生活更和諧。
2. 所有東西都可以用錢買得到
呢個觀念係非常之錯嘅!畢竟健康、真心朋友、幸福等並唔可以用錢買到。當你富裕嘅時候,無錯身邊會發現有很多朋友,但係有幾多個可以深交嘅真心朋友呢?
3. 有錢人都係衰人
細細個嘅時候,成日聽人講呢句。當小編長大成人之後就發現唔一定有錢人係衰人,其實冇錢都可以係衰人㗎!至少有錢人有財力、有能力可以做多啲慈善嘅事,回饋社會。
4. 錢唔係慳返來嘅
當然唔係叫你咩都慳,不過至少要學識咩叫做「應洗則洗,應慳則慳」。而家有很多年青人都覺得缺乏理財目標,與其盲目儲錢,倒不如好好享受當下咪仲好!如果一個人從來沒有什麼儲蓄,就算眼前有好嘅投資產品,但手邊卻冇資金既話,就只好白白看著機會流失。

Leave a Reply

Your email address will not be published.