【理財行為】「 請小心保管閣下財物」學習理財前必先學曉的一件事🤔

學習理財嘅重要一步,往往並唔係要學財富增值,反而係要首先學識保護自己嘅財物。
喺小朋友接觸金錢之前,就應該學識保管自己嘅物品,細至一塊擦膠、顏色筆、原子筆,大至手錶、八達通卡、圖書等,小朋友都要有保管物品嘅意識,對自己嘅物品要有責任心,同埋要對遺失物品嘅後果負上責任。
例如,如果家長發現小朋友經常整唔見自己嘅物品,可以考慮向小朋友提出扣起零用錢嘅提議,以用作抵償購買額外文具嘅開支,等佢地明白到要為自己整唔見嘢付出代價,負上責任,正如圖書館亦會向遲還書或遺失圖書嘅人收取罰款以提供阻嚇作用一樣。若果小朋友連自己嘅物品因無法管理好,將來要管理金錢、財富就會受到更大考驗同埋挑戰。

Leave a Reply

Your email address will not be published.