相信因為最近社會嘅境況,每個人消費時都會變得比較謹慎,左度右度,在逆市中做個精明消費者變得尤其重要。 始終今天唔知聽日事,所以最好大家都有返啲錢傍身或做啲穩健投資。我哋今天就同大家分享下如何在日常生活中消費得精明啲!

用餐方面:

想食得好啲,但又唔想食得太貴?大家不妨試下呢幾個方法:

  1. 利用第三平台的折扣,例如eatigo,有時更會提供低到50%折扣,之前小編都擔心唔知用餐份量會唔會都較細分,不過親身去過啲連鎖餐廳都係正常份量,並無將價就貨,所以大家不妨試試
  2. 有折扣的外賣:在香港通常外賣都貴過堂食,因為又要加外賣盒錢等等。不過最近很多食肆都給予額外的外賣折扣,外賣自取7、8折優惠,都可以是個不錯的選擇!
  3. 外賣送餐app(例如foodpanda, deliveroo, ubereat 等)最近都有些優惠,免運送費,消費滿某個金額有折扣等,不過當然比外賣自取稍貴。但是如果食厭屋企樓下的餐廳,呢個都不失為一個好的外賣選擇。
  4. 自己煮,較為健康又可以減壓。不過都明白每天自己煮嚟煮去都係煮個幾味,所以可以嘗試Youtube裏學下啲新嘅菜式,鍛鍊廚藝,又可以煮多啲自己或屋企人鍾意食嘅餸。

買嘢方面:

  1. 冷靜期:設立冷靜期(如:24小時)給自己,確定真的需要先買。尤其現在這個時勢,很多人都網購,而令到自己不自覺下容易買多咗很多嘢。
  2. 替代品:再細想下屋企是否有其他物品可以代替?
  3. 會否考慮二手物品?當然如果真的買二手物品的話,要好好地消毒,抹乾淨該物品先至好用。現在都有很多二手平台供大家交易,例如Carousell等
  4. 貨比三家:睇下會唔會同一個物品,另一間舖賣平啲?或者上網買會否再平啲?同時不要忘記留意郵費、集運等購買成本。

茶飲/咖啡方面:

  1. 朝早: 如果慣咗一定要買杯咖啡/奶茶先返公司的話,會唔會考慮飲公司的咖啡?小編都明白有啲真係很難入口嘅,咁又會唔會自己買啲即沖或細部的咖啡機自製呢?外賣一杯咖啡都差唔多$30,一個月都要$600㗎!小數怕長計,如果買包即沖咖啡都係$30-$40,或者買部$300-$400蒸餾咖啡機,可以用好幾個月之餘,仲可以買啲好飲嘅咖啡粉。大家可能都要好好計下條數先得喇!
  2. 下午茶:很多OL都慣咗要杯茶飲提一提神。 不過今時唔同往日,經濟不穩時,大家可能都要三思先至買啦。真係飲杯珍珠奶茶都要諗下!或者可以由每日一杯變2-3天一杯,當減肥啦!

旅行方面:

  1. 現在很多航空公司都做緊特價,相信很多人都心郁郁。雖然機票真的很平,不過都真係唔知去得邊,同幾時先可以去旅行,大家都係儲返啲錢算啦。但係如果真的想去的話,大家都不妨參考下我哋之前分享過關於旅遊保險常問問題,計劃清楚先出發。

如果大家想喺呢個時勢創造多點收入,不妨參考:

【在家理財】用一杯咖啡的時間 賺取高達$1,888 

6招逆市創造更多收入來源 唔試點知唔得!

希望以上幾點可以幫到大家過度呢段艱難嘅日子,大家一同加油!